Women 1 — ayollar intim gigiyenasi va yallig‘lanishlarning oldini olish uchun eritma

Savdo belgisi: Women 1

Chiqarilish shakli:
Qo‘llash uchun tayyor holatda, intravaginal yuvish uchun eritma, flakonda 200 ml.

Tarkibi:
200 ml eritmada – za’faron popugi 30 mg; mavrak ekstrakti 300 mg; moychechak guli ekstrakti 30 mg; alunit 2 g.
Yordamchi moddalar: distillangan suv.

Farmakologik xususiyatlari:
Qin bo‘shlig‘ini sanatsiya qilish uchun mo‘ljallangan maxsus gigienik vosita.
Women 1 eritmasi bakteriyalarga, zamburug‘larga va liofil viruslarga qarshi ta’sirga ega.
Qon, yiring, turli sekretsiyalar va organik moddalar ishtirokida antiseptik faolligini saqlaydi.
Eritma tarkibida tabiiy dorivor o‘simlik ekstraktlari — za’faron, mavrak, moychechak guli va minerallar mavjud.

Za’faron, mavrak (shalfey) va moychechak guli ekstraktlari eritmasi mahalliy qo‘llanilganda kuchli antiseptik hisoblanadi.
Yallig‘lanish, bakteriyalar, zamburug‘lar va viruslarga qarshi samarali ta’sir ko‘rsatadi.
Mahalliy yoki qin ichiga qo‘llanilganda qonga so‘rilmaydi va tizimli ta’sir ko‘rsatmaydi.

Alunit — kaliy va alyuminiyning suvli sulfati bo‘lib, qadimdan antiseptik vosita sifatida qo‘llaniladi.
Zamonaviy tibbiyotda esa alunit eritmasi teri va tanosil zamburug‘li hamda infeksion kasalliklarni (kandidoz, vaginoz, gerpes) davolashda qo‘llaniladi.
Alunit eritmasi qin bo‘shlig‘ini toraytirish xususiyatiga ham ega.

Qo‘llashga ko‘rsatmalar

Kompleks davolash tarkibida va/yoki profilaktika uchun:

• Bakteriyali yoki zamburug‘li vaginitlarda;

• Qin kandidozida;

• Jinsiy a’zolarda qaytalanuvchi infeksion kasalliklarda;

• Bachadon bo‘yni yallig‘lanishida (servitsit);

• Teri va tanosil a’zolari kasalliklarida antiseptik vosita sifatida;

• Tug‘ruqdan keyingi yoki qindagi jarrohlik muolajalaridan so‘ng qin bo‘shlig‘ini sanatsiya qilishda (turli mikroblardan tozalashda).

Qo‘llash usuli

Qin bo‘shlig‘ini sanatsiya qilish va mahalliy qo‘llash uchun shifokor ko‘rsatmasiga binoan 5–7 kun davomida qo‘llaniladi.
Qo‘llashdan oldin eritmani suv hammomchasida tana haroratiga qadar isitish lozim.
Muolaja bemor yotgan yoki o‘tirgan holatda bajariladi; eritma qin bo‘shlig‘ida kamida 1–2 daqiqa ushlab turiladi.
Bir martalik muolaja uchun flakondagi eritmaning butun hajmidan foydalanish tavsiya etiladi.

Nojo‘ya ta’sirlari:

Vaqtinchalik qinda quruqlik hissi kuzatilishi mumkin.

Qo‘llashga qarshi ko‘rsatmalar:

Preparat komponentlariga individual ta’sirchanlik, shuningdek, homiladorlik davrida qo‘llash tavsiya etilmaydi.

Saqlash shartlari:

+25°C dan yuqori bo‘lmagan haroratda, quruq, quyosh nurlaridan himoyalangan va bolalar ololmaydigan joyda saqlansin.

Yaroqlilik muddati: ishlab chiqarilgan kundan boshlab 24 oy.
Dorixonalardan berilish tartibi: shifokor retseptisiz.
Eslatma: qo‘llashdan oldin qadoq butunligini tekshiring va yo‘riqnoma bilan tanishing.

Ishlab chiqaruvchi:

MCHJ «Bio Time» kompaniyasi, «Neo Group Style» uchun eksklyuziv mahsulot.
Ishlab chiqarilgan joy: O‘zbekiston Respublikasi.